ಅಂತರಗಟ್ಟೆ ಶ್ರೀ ದುರ್ಗಾಂಬ ದೇವಿ ದೇವಾಲಯದ ಉದ್ಘಾಟನಾ ಸಮಾರಂಭ

ಹುಳಿಯಾರಿನ ಲಿಂಗಪ್ಪನ ಪಾಳ್ಯ ಕೋಡಿಪಾಳ್ಯಕ್ಕೆ ಸೇರಿದ ಹುಳಿಯಾರು ಕೆರೆ ಏರಿ ಬಳಿಯಿರುವ ಅಂತರಗಟ್ಟೆ ಶ್ರೀ ದುರ್ಗಾಂಬ ದೇವಿ ದೇವಾಲಯದ ಉದ್ಘಾಟನಾ ಸಮಾರಂಭ ಇಂದಿನಿಂದ ಎರಡು ದಿನಗಳ ಕಾಲ ವಿಜೃಂಭಣೆಯಿಂದ ನಡೆಯಲಿದೆ.

ಇಂದು ಮೇ 29ರ ಗುರುವಾರ ಸಂಜೆ 6:00 ಗಂಟೆಯಿಂದ ಗಂಗಾ ಪೂಜೆ, ಪುಣ್ಯಾಹ, ಮಹಾಗಣಪತಿ ಪೂಜೆ, ಕಳಸರಾಧನೆ, ವಾಸ್ತು ಹೋಮ, ರಾಕ್ಷೋಘ್ನ ಹೋಮ ನಡೆಯಲಿದೆ.

30ರ ಶುಕ್ರವಾರ ಬೆಳಗ್ಗೆ 6:30ಕ್ಕೆ ಹುಳಿಯಾರು ಗ್ರಾಮ ದೇವತೆಗಳಾದ ಹುಳಿಯಾರಮ್ಮನವರು ಮತ್ತು ಶ್ರೀ ದುರ್ಗಾಪರಮೇಶ್ವರಿ ಅಮ್ಮನವರು, ಕೆಂಚಮ್ಮ ದೇವಿ, ಲಿಂಗಪ್ಪನ ಪಾಳ್ಯದ ರಾಮದೇವರು ಹಾಗೂ ಕೋಡಿಪಾಳ್ಯದ ಮೈಲಾರಲಿಂಗೇಶ್ವರ ದೇವರುಗಳ ಆಗಮನವಾಗಲಿದೆ. ನಂತರ ಹವನ ಹೋಮಾದಿಗಳು ಜರುಗಿ ಮಹಾಮಂಗಳಾರತಿ ತೀರ್ಥ ಪ್ರಸಾದ ವಿನಿಯೋಗ ವಿರುತ್ತದೆ.

ಮಧ್ಯಾಹ್ನ 12:30 ರಿಂದ ಅನ್ನ ಸಂತರ್ಪಣೆ ಹಮ್ಮಿಕೊಳ್ಳಲಾಗಿದ್ದು ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ದೇವಸ್ಥಾನ ಸಮಿತಿಯವರು ಕೋರಿದ್ದಾರೆ.